Haal hi me Jogeshwari (east) me ak hit-and-run incident me ak swimming instructor ki auto se takrane se jaan chali gayi.
Wednesday ko dophar 2:30 baje Western Express Highway (WEH) par Shankarwadi bus stop par zebra crossing par road cross karte samay Vineet Desai (45) ki auto rickshaw se takkar lagne ke 30 minute baad hi maut ho gayi. Police unidentified rickshaw driver ko dhund rahi hai.
Decease ki family me 75 years ki maa aur 4 bahne hain, Jinme se 3 badi aur ak chhoti hai. Desai Lokhandwala me trainer ke roop me kaam karte the, unka daily routine subah 7 baje se raat 11 baje tak ka hota tha.
Desai ki maa ko unki death news unke grandson ke phone call se mili, jisne unhe bataya ki aas paas ke logon ne unke bete ko auto rickshaw ke paas se trauma care hospital pahochaya hai. Head trauma ki wajah se accident ke thodi der baad hi Desai ki death ho gayi.
Complaint me unki Maa Jayshree ne kaha, ki unka beta 1 January ko kaam par ja raha tha. Wo 10 saal se swimming coach ke roop me kaam karta tha aur ak ideal beta aur bhai tha, jo bina kisi conflict ke sabse mil-julkar rahta tha. Auto driver ko abhi tak arrest nahi kiya gaya hai. Unka beta, jo ghar me iklauta kamane wala tha, chala gaya. Ab unki dekhbhal kon karega.
Indian Swimming News Or International Swimming News Padhne Ke Liye Facebook Par Swimswam Hindi Ko Like Karna Na Bhule:-SwimSwamHindi